Explore Amazon

7.14.2005

WALANG PAALAM


Tula
ang iiwan mong alaala,
mga salitang naipunla sa aking pagkatao'y
kusang sinibulan ng anyo at hubog
kumislot, huminga.

Buhay
ang mga katagang nailimbag
punumpuno ng saya at luha
sari-saring kulay
mga yugto ng iyong buhay
naitala sa sukat at tugma.

Huhugutin
mula sa balon ng gunita
muling babasahin
nanamnamin ang himig sa bawat titik
at hahanapin ang init ng haplos
ng matalinhagang diwa
habang ika'y wala

Walang paalam sa isang makata.


Anne Stephanie Cruz
July 14, 2005

allvoices

No comments: