Walang ibang kulay ang gabi kundi pula.
May anghang ang mga labing kapwa
naghahanap ng pagkandili.
Hindi nag-alinlangang magsukob,
may pangangailangang pilit pinupunan
ngunit batid na kailanma'y di matatagpuan
sa isa't-isa.
Sapat na ang malamang pula pa rin ang
dugong umuugong sa nag-iinit na mga tainga;
na pula ang kulay ng kaligayahan bagamat bahaw;
at pula ang kasukdulang naabot at lalatay sa ala-ala.
Huwag mo lamang huhubarin ang pulang blusa.
Baka malimutang pumipintig pa rin ang iyong pusong kulay pula.
stephie
4 am
No comments:
Post a Comment